کیا رمضان میں مساجد میں اجتماع ہوں گے ؟علماءکی جانب سے مساجد میں تراویح پڑھنے کے اعلان کے بعد حکومت بھی میدان میں آگئی

اسلام آباد(ڈیلی پاکستان آن لائن)وزیر اعظم کے معاون خصوصی برائے صحت ڈاکٹرظفر مرزا نے کہا ہے کہ رمضان میں کسی قسم کے اجتماع کی اجازت نہیں ہوگی۔ان کا کہنا ہے کہ سپریم کورٹ کو اپنے کام سے مطمئن کریں گے ،اگر عدالت نے بلا یا تو ضرور جائیں گے ۔

نجی نیوز چینل کے پروگرام میں گفتگو کرتے ہوئے انہوں نے کہا کہ پالیسی یہی ہے کہ بڑے اجتماعات نہیں ہونے چاہیے۔ چاہے مسجد ہو، اسٹیڈیم ہو یا سنیما۔ اجتماعات بیماری پھیلنے کی وجہ بنتے ہیں۔معاون خصوصی صحت نے ویکیسن بنانے کے دعووں کی نفی کرتے ہوئے کہا کہ پاکستان میں ابھی تک کوئی ویکسین تیار نہیں ہوئی۔ وزیر اعظم نے ہدایت دی ہے کہ سپریم کورٹ کا احترام کرتے ہیں اپنے کام سے مطمئن کرنا ہے۔